JAKARTA KEBANJIRAN

katulampa

JAKARTA, NGLARASTENAN.WORDPRESS.COM – Wektu iki (15/1/13) Jakarta katon lesu, nglumpruk tan bisa wungu. Bagaskara ora gelem metu, langit Jakarta sak kiwa tengene katon kebak luh kan netes nelesi lemah.

Udan kang sakawit tabuh sewelas wingi nganti seprene durung leren. Kaya wingi-wingi, yen udan kang ora mandek Jakarta lan kiwa tengene akeh banyu kang mandek. Mulane banjur nuwukake macet ing ngendi papan. Kaya esuk iki mau. Malah sepur sing kudune nganti stasiun Kampung Bandan ora iso liwat, amarga rel kebanjiran.

Banjir mau ora mung merga akehe udan ing Jakarta, nanging uga “kontribusi” udan saka “hulu” kayata ing tlatah Bogor. Bendungan Katulampa ing Bogor esuk iki ana papan ukur ketok ing angka 210 cm, jumbuh karo 477 meter kubik saben detik ngangkah ing kali Ciliwung (SIAGA I). Kanthi iline banjir iku, mulane udakara 8 – 14 jam banjir mau bakal tekan ing hilir (Jakarta).

Kajaba kali Ciliwung, kali Pesanggrahan esuk iki mau uga katon kebak, iku katon nalika liwat ing kali mau. Adem lan kekes, macet wektu iki nambah gemes. Ning ana unen, “ora ubet ora ngliwet”. Mulane banjur nekat, nrajang tengahing banjir lan macet mung saperlu isa tekan ing papan pakaryan.

Kahanan saiki isih katon mendung lan gerimis, lan muga-muga wae ora ndadekake Jakarta lumpuh kaya kang uwis-uwis.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s