ANGKRINGAN MBAH MO (CERCAK)

sego kucingJakarta, nglarastenan – Ngancik ing taun 2013 negara Indonesia miwiti bakal anane “pesta demokrasi” utawa “PEMILU Legislatif/Pileg”. Dadi ora mokal akeh warta ing ngendi papan padha alok lan gawe ramene kahanan.

Sak pungkase banjir ing Jakarta wingi pangudarasa ing angkringan mbah Mo rame tur gayeng. Ana sing nyritakake banjir kang wus liwat, ana kang crita artis kang kapilut ing narkoba lan sing kinyis-kinyis, korupsi daging sing nggeret piyayi gedhe saka partai kang agamis.

Angkringan mbah Mo pancen OYE. Nadyan anane mung kuliner sederhana, sego kucing sing regane mung sewu limang atus rupiah, gorengan, ati, endog, ceker bacem, lan wedang jahe khas angkringan. Ning sing dha jajan akeh tenan, marga panganan mau pinangka Pusaka Kuliner sing marahi kangen desa lan panggonane uga resik.

Sore iku aku yo melu jajan ana angkringane mbah Mo tur wayah udan, arep mulih males. Yo wis sisan melu rasan-rasan lan malah di ajak skak karo pakde Karwo. “Mas, sekak we yuk karo nunggu udane leren!” ujare pakde Karwo. “Nggih pakde, ning kula ampun di isin-isin nggih nek kalah, etung-etung sinau kalih pakde”, saurku.

Angkringan mbah Mo ora baen, nadyan mung apa anane ning apa wae yo ana. Mbah Mo uga melek ing teknologi, katitik langganan angkringane mbah Mo uga di suguhi siaran radio streaming gglink. Mulane angger malem sabtu meh nganti esuk dha lek-lekan ana angkringane mbah Mo.

Aku ngerti nek jare Wonogiri ono museum karst ing Praci, lan uga arep di gawe hotel bintang telu uga ana angkringane mbah Mo saka radio gglink. Wis mbuh ping piro sing main catur, udan ora mari-mari ning kalipur dening wayangan malem seton. Rasan-rasan saya rame lan gayeng, ning ngantukku wis kaya disirep. Amarga ora kuwawa nahan ngantuk, aku njur pamit karo mbah Mo, pakde Karwo lan pelanggan-pelanggane angkringan mbah Mo. #KD

2 thoughts on “ANGKRINGAN MBAH MO (CERCAK)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s