ANGKRINGAN MBAH MO – NYUAP CAMER (MARINGI BESELAN CALON MARATUA)

martabak suapJakarta, nglarastenan – Bengi iki aku pengen banget mampir ana angkringane mbah Mo. Aku kaya ana sing nuntun, lan pengen banget ngombe jahe panas lan mangan sate ndog gemak (puyuh, red.) sing dipindang. Apa maneh saiki angkringane tambah rame kawit ana orjen tunggal pinangka ‘live-music’ kanggo nglipur para penikmat angkringan.

Ing jroning lagi nglaras tembang saka penyanyi lan para penyumbang, dumadakan surem-surem katon kaya ana piyayi putri sing ora asing kanggo awakku. Ora salah maneh, pancen Sumiku kang wis sawetara ilang.
Pancen, ora gampang anggonku balen karo Sumi, akeh pangorbanane. Amarga anggonku tresna marang Dik Sumi, dadi apa wae tak lakoni. Kayata menehi beselan (suap) marang Ibune Dik Sum ben kersa ngrayu putrine bale karo aku.

Pokoke, sing penting aku iso balen maneh karo Jeng Sum kaya wingi wingi. Mulane nalika iku aku tuku martabak endog spesial kareme Ibune Dik Sum, lan mangkene iki aturku marang Ibune Jeng Sum nalika semana.

“Bu, nuwun sewu punika kagem wedangan!” aturku marang Bu Tami, ibune dik Sum sore iku. Utami Woro Sembodro, iku asmane. Nadyan wis setengah sepuh, bu Tami isih katon garise nalika isih timur ora kalah ayu karo dik Sum. Bu Tami, kang nalika timur lahir lan ngupadi kepinteran ana gisike segara kidul, yaiku ing daerah Wonogiri sisih kidul.

Bu Tami malah kepara isih sedulur karo bulik Sri Woro sing daleme saiki ono Ngadirojo. Bulik Sri kagungan putri, asmane Welas Widi Nugrahaeni. Sumi kepara kanca kenthele Welas, mulane kajaba maringi beselan bu Tami aku uga menehi beselan Welas, nadyan beselane mung donga pengestu.

Kasil apa ora anggone Ganteng menehi beselan mau? monggo katuran nengga sambung ipun crita samangke ……

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s