PUSAKA SEJARAH – TEMPO DOELOE

jadul

Naksir lan kepengen mratelakake katresnan.

Dik Sum,

Kawit nalika sepisan ketemu sliramu, aku tuwuh rasa kang ora bisa tak gambarake, eba aku ora ngrasa. Nanging, sakwise aku nyawang sliramu, aku banjur ngerti, yen ta aku nyimpen rasa marang sliramu. Rasane kaya ana kang ilang menawa sedina wae aku ora ketemu sliramu.

Sliramu kudu ngerti, eba senenge atiku yen lirikan netra iki kawales. Ora mung iku, aku uga seneng esemu kang pahit mamdu, lan uga guyumu . Yen ta ana merdikaning penggalihmu, aku pengen melu handarbeni kabeh kang ana ing sliramu. Saben wayah aku mung tansah mikirake sliramu thok thil, dudu mas Gemboel opo maneh mbah Darmo guru stenografi kae…hehehehe.

Dik Sum kang tansah anglelewa ati,

Ora kuwat rasane atiku nyimpen rasa iki kang tanpa ana pungkasane lan uga tansah mbanyu mili. Mendhem rasa iku jebul pancen larane tan kena tinamba, aku ora bisa ngendhek kabeh mau. Mula iku ing layang iki aku pengen kandha, yen AKU TRESNA mring SLIRAMU, nimas. Aku jujur, aku ora nggombal kaya tetembangan kang ana ing tivi. Piye nimas? Apa sliramu gelem, lan mbales rasa tresna iki marang aku?

Nimas ganthile atiku,

Ketupat isine beras, sempat ora sempat kudu di balas.

Salam manis,
Pangeran Cinta

Nalika jaman semana, alesane nyiilih buku, trus dibalekake kanthi diwenehi bonus, layang katresnan (sing nggawe kanca, kang diwenehi beselan permen cecak, kelingan ora permen iki? kae lho sing cilik-cilik sak ndog cecak, mulane diarani permen ndog cecek, red.). Sing rada ekstrem lan horor diwenehake ing meja lacine, lan malah gawe montor mabur saka kertas sing diwenehi tulisan, “I Love U Sum!”. Nek apes kena guru BP apa Kepala Sekolah.

Bar iku, mung kari nunggu karo H2C, harap-harap cemas nunggu balesan, …….di tolak!!! Piye jal, luwih romantis lan enak nganggo layang to tinimbang lewat SMS, layange bisa dikumpulne dikoleksi di gawe buku ditolak wis kaping pira, wuakakakak….. coba nek lewat SMS, pengine ngirim marang Susan, eh malah salah pencen di kirim marang Susanto, apa ra cilaka jal?

radio jadulSiaran radio

Mulih sekolah ora lali mampir menyang RSPD (radio siaran pemerintah daerah, soale jaman biyen durung ana radio swasta lur). Trus tuku form sing cilik-cilik kaya kwitansi kae, banjur nulis pesen ing kertas mau. Awan-awan bubar sekolah rebutan radio merk cawang mung arep ngrungokne pesene diwaca apa ora?

“Salam kanggo lik Gemboel, Nirmala lan Upin Ipin, mau ana kelas Pak (paman) Gober nesu-nesu, ati-ati karo si Sirik. Kanggo Don Kemplo, woee… enggal balekne stensilanku, kagem sing siar, sing rukun ya! …. .. saka Pangeran Biru ing Taman Asmara, …..oia, nyuwun diputerne lagune Safitri, Janji Setya… spesial kanggo samwan (dik Sum).

Lega rasane, kamangka sing dikirimi pesen lagi pada turu kabeh.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s