OPO TUMON – NGAKALIN RAMBU LALULINTAS (17+)

rambu-girlsNglarastenan – Amarga seringe kedadehan kecelakaan lalulintas, lan sing kinyis-kinyis kang nembe wae nemahi anak artis kondang, Dul. Pak RT Gemboel nimbali Sekretaris RT, Pak Paijo lan Ketua Pemuda RT, Mas Prasetio ing daleme Pak Gemboel. Pak Gemboel marentahake supaya ngumpulake warga kanggo golek dalan kang becik amrih para kanoman ora padha ngebut numpak kendaraan ing kampung Gajah Gandul.

Ing dino Minggu Pon, dianakake kerja bakti lan nggawe tulisan kang dipasang ana ing pinggir dalan sak dawane kampung, yaiku: “AWAS, ALON-ALON LAN NGATI-ATI AKEH WONG PADHA NYEBRANG DALAN”.

Sesuke Pak RT lan para penggede RT banjur nitik, piye kira-kira rambu mau ana pengaruhe ora? Nanging isih adoh saka pengangen-angen, yen rambu tulisan sing di gawe wingi ora mempan, lan isih padha ngebut anggone padha numpak kendaraan.

Mulane dino Minggu Kliwon dianake kerja bakti maneh, nggawe rambu kanthi tulisan: “AWAS, ALON-ALON LAN NGATI-ATI AKEH BOCAH PADHA DOLANAN”

Jenenge wong akeh, seje silit seje anggit paribasane. Nanging Pak Gemboel, Pak Paijo lan Mas Prasetio ora kurang akal gawe tulisan rambu-rambu dipasang maneh ing pinggir dalan kaya padatane kang unine: “AWAS, ALON-ALON LAN NGATI-ATI AKEH PRAWAN WUDO”

Lan pranyata, kawit rambu tulisan mau dipasang wis ora ana maneh kang wani kebut-kebutan ing kampung mau, malah kepara sopan, milang miling kiwa tengen, clingak clinguk anggone pada numpak kendaraan. Oalah, jenenge cah nommm…

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s