AFC U-19, INDONESIA vs. LAOS

afc u-19Nglarastenan – Kalah nggrundel, menang ndememeng. Ngomongake bal-balan ing Indonesia kaya ora ana enteke. Noleh menyang mburi, mligine nalika tanding ngrebutake Piala AFF umur 19. Tanding Piala AFF kang dileksanakake ing Jawa Timur (Gresik lan Sidoarjo), semangat lan ramene kang padha nonton ngebaki stadion paribasane sorake nganti ambata rubuh.

Emba bumi kalawan langit, niliki tanding ngrebut tiket Piala AFC U-19 ing stadion Gelora Bung Karno, Senayan, Jakarta. Tanding bal-balan sing digadhang-gadhang kebak sing padha nonton, lan noleh menawa U-19 lagi wae menang Piala AFF bakal mbludag, kabeh mau ora ana kasunyatan.

Apa sabape? Werna-werna yen ta dirunut siji lan sijine. Bisa amarga karcis sing didol larang, lan bisa uga dina nyambutgawe, lire seneng padha nonton ing televisi. Gus Mo pinangka sutresna, fans U-19 kang dipandhegani dening Guru Indra Sjafri duwe pangudarasa. Euforia, bungah kepati-pati kasile U-19 kang menangi Piala AFF, banjur ngundakake karcis amrih sansaya gedhe bathine saka dodolan karcis bal-balan iku. Nek bathi gedhe duite digawe apa?

Kapethik saka detik.com, “bocah-bocah pancen nate ngomong luwih enak ing Sidoarjo, luwih rame,” kandhane Guru Timnas U-19 Indra Sjafri sak bubare menang tanding klawan Laos.

Salah sawijine punggawa timnas U-19, Hansamu Yama Pratama uga ngamini babagan iku. Ing babak sepisan, ujare para punggawa ngrasa tanding kurang maksimal amarga bisa wae mikirake ramene kang ambata rubuh sorake nalika ndukung ing Piala AFF kepungkur.

Muga-muga donga pangestune Gus Mo kanggo timnas U-19 kang lagi ngayahi kewajiban lulus lir ing sambekala lan bisa nuju final.

Critane tanding bal-balan:

Punggawa timnas U-19 langsung nyerang lan neken wiwit wasit nyemprit pinangka tanda tanding bal-balan nuju final Piala AFC dipurwakani. Gol sepisan amarga pelanggaran Kiper Laos, Bounpaseuth Niphavong sak njabane kothak pinalti. Lan Indonesia oleh hadiah tendangan bebas saka sisih tengene benteng pertahanan Laos.

Tendangan sing ditindakake Evan Dimas Darmono banjur ditampani Mukhlis Hadi Ning kanthi sundulan kang arahake menyang pojokan. Sundulan Mukhlis mlebu lan Niphavong mung mlongo ora obah babar blas. 1 – 0 kanggone Indonesia Jaya.

Mukhlis Hadi Ning sukses nyemplungke bal ing gawange Laos. lan dadi gol kang kaping pindho. Nampa umpan saka Evan Dimas Darmono, Mukhlis lolos saka jebakan off-side lan langsung ngumbulake bal sak ndhuwure kiper sing wis kebacut maju. 2-0 Indonesia menang.

Sakbanjure Indonesia bisa gawe gol kang kaping telu nalika pertandhingan mau ngancik ing menit 85. Maldini Pali sing nampa bal saka sisih tengen menehake bal marang Paulo Sitanggang ing tengah. Oleh papan kanggo nendhang, Paulo kanthi mulus nyemplungake bal ing gawange Laos. Indonesia 3, Laos 0.

Evan Dimas Darmono sang kapten nutup gol kang pungkasan. Kesalahan punggawa benteng saka Laos mahanani bal bisa dikuasani dening Evan Dimas kang sakbanjure kanthi jitu nendhang bal menyang sudut gawang sisih tengen, kang marahi kiper Laos mung mlongo njupuk bal seka gawange kang kaping papat. 4 – 0 Indonesia nutup kamenangan.

Muga-muga Indonesia ora enggal bombong, umuk amarga isih ana lawan kang kudu diadhepi, yaiku Philipina lan Korea Selatan. Minimal bisa ngimbangi Korea Selatan, syukur-syukur bisa menang, lan uga bisa mrantasi Philipina kanthi gol kang akeh. end.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s